Павлодар қаласының Құрманғазы атындағы балалар музыкалық мектебінде 2023 жылғы 15 - 16 ақпанда жас музыканттардың IV фестиваль-конкурсы өтті. 9 - 17 жас аралығындағы 18 жеке орындаушылардан тұратын 78 оқушы және 13 - 17 жас аралығындағы жоғары сынып оқушыларынан 2 хор ұжымы қатысты. Мақсаты - дарынды балаларды қолдау, шығармашылық белсенділік, балалар ұжымдарын дамыту, конкурстарға қатысу дағдыларын қалыптастыру.

«Музыкалық колледж - дарынды балаларға арналған музыкалық мектеп-интернат» кешенінің оқытушылары құрамындағы қазылар алқасы қатысушылардың жоғары білім деңгейін, әртістігін, аспаптарды шебер меңгеруін, сахналық ұстамдылығын көрсеткенін атап өтті.

Конкурс қорытындысы бойынша хор ұжымдары арасында В. А. Моцарттың хор операсынан «Похищение из Сераля» «Мы поём веселья песни», «Қамажай» қазақ халық әні Қ. Боромбаевтың өңдеуі, «Звездная река» сөздері мен әні В. Семеновтың, «Қазақ біреу» - А. Абдинуровтың әні, сөздері К. Есқалиева, С.Н. Увалиева өңдеуі шығармаларын әртістік орындағаны үшін І орын жоғары сынып хорына берілді, жетекшісі Анастасия Вячеславовна Федунова, концертмейстер Дмитрий Вячеславович Масленников.

II орын Т. Нұрымбетованың өңдеуіндегі қазақ халық әнінің «Бір бала», Феличе Джардиннің «Viva tutte le zezzose», З. Кодай сөздері мен әні «Птичий хор», Дж. Каччини «Ave Maria» шығармаларын орындағаны үшін хор ұжымына берілді, жетекшісі Гүлнафис Төлеубекқызы Макышбаева, концертмейстер Олеся Владимировна Павленко.

«Фортепиано» номинациясында қатысушылардың орындауында конкурста И.С. Бах, И. Гайдн, В.А. Моцарт, Л. Бетховен, Ф. Шопен, К. Черни, Ф. Лист, қазақстандық композиторлардың шығармалары орындалды. Кіші және орта топтағы сайыскерлер төрт шығармадан, жоғары топ 2 турда - 5 шығармадан орындады. І дәрежелі лауреаттар Садвакасова Айым, 15 жаста, Чистова Алиса, 14 жаста, Звягина Амелия, 9 жаста, ІІ дәрежелі лауреаттар - Каптаева Айлин, Муқанова Еркежан, Столярова Ульяна, 9 жаста, Бейсен Адема, 12 жаста, ІІІ дәрежелі лауреаттар - Ахметова Риза, Науменко София, 15 жаста, Хусаинова Алтынай, 16 жаста, Воронкович Александр, 9 жаста, Афонченко Максим, Тулегенова Инкар, Чикало Матвей, 12 жаста.

Фестиваль-конкурстың барлық жеңімпаздары грамоталармен және кубоктармен марапатталып, конкурстың облыстық кезеңіне қатысады.

- Конкурс дәстүрлі түрде жылына бір рет өткізіледі және оған қатысу әрқашан жауапкершілікпен және өте беделді. Дарынды оқушыларға көрерменге өнер көрсету дағдыларын көрсетуге және түрлі деңгейдегі конкурстарға қатысуға мүмкіндік беріледі, - деп атап өтті мектеп басшысының орынбасары Нұрлан Бақытұлы Қайшанов.