2023 жылғы 21 - 22 ақпанда балалар музыка мектептері мен балалар өнер мектептері ұжымдарының қалалық, аудандық іріктеу турларының қорытындысы бойынша 56-шы облыстық фестиваль-конкурс өтті. Павлодар, Екібастұз, Ертіс, Шарбақты, Тереңкөл, Баянауыл, Ақтоғай аудандарынан 196 бала қатысты. «Хор ұжымдары» номинациясына алты хор ұжымы құрамында 165 бала қатысты, «Жеке орындау» номинациясына үш топта 31 қатысушы қатысты. Павлодар қаласының Құрманғазы атындағы балалар музыкалық мектебі конкурсқа 73 қатысушы - екі хор ұжымы және 14 жеке орындаушы ұсынды.

  Конкурс шарты бойынша қазылар алқасы кәсіби орындаушылықты, көркемдік ендіру деңгейін, техникалық шеберлік пен сахна мәдениетін ескерді.

   Конкурс қорытындысы бойынша павлодарлық жеке орындаушылар 9 жүлделі орынға ие болды: І орын - 1, ІІ орын - 6, ІІІ орын - 2. Звягина Амелия, тоғыз жасар пианист I орынға ие болды және үздік деп танылды. Амелия фортепианода И. С. Бахтың, Й. Гайднның шығармаларын орындады,  сонымен қатар ұлы Абайдың Т. Жангуттинаның өңдеуімен «Қараңғы түнде тау қалғып» шығармасын орындады.

   - Амелия өте күрделі және қызықты бағдарлама дайындады, оны конкурс қазылар алқасы жоғары бағалады.Мұндай нәтиже-менің оқушымның үлкен еңбегі, күнделікті сабақтары және көрерменмен қызықты шығармалармен бөлісуге деген ұмтылысы, - дейді оның педагогі Елена Александровна Попова.

   «Хор ұжымдары» номинациясы бойынша 6 жүлделі орыннан Павлодар мектебінің ұжымдары екінші орынды иеленді.

  Жеңімпаздар мен жүлдегерлер түрлі дәрежелі дипломдармен, лауреаттарды дайындаған педагогтар - облыстың білім беру басқармасының алғыс хаттарымен марапатталды.

   Бас жүлде және I орын алған қатысушылар Павлодар облысының атынан қашықтық форматта өтетін 56-шы республикалық жас музыканттар конкурсына қатысады, оның ішінде Звягина Амелия, музыка мектебінің оқушысы.