Павлодар қаласының № 2 мектебінің 5 сынып оқушысы Нуралинов Азрет Нұр-Сұлтан қаласында өткен «Үздіктердің үздігі» конкурсында Астана, Көкшетау, Екібастұз, Өскемен, Семей қалаларының талантты және дарынды балалары мен жастары арасында ІІ орын алды.  Конкурста Асхат Қылышбек пен Бауыржан Әлқожаның сөзіне және Жарылқасын Дәулеттің әніне жазылған «Батырлар ұраны» әнін орындады.

Азрет төрт жасынан бастап музыкамен әуестенеді, ән айтуды, би билеп, шахмат ойнауды ұнатады. Өткен оқу жылынан бастап «Pavlodar musik studio»-да вокалмен айналыса бастады. Әндерінің тақырыбы негізінен патриоттық әндер. Вокал бойынша жетекшілері Теміржанова Гүлжан мен Кабдул Сания. Алғаш рет 2019 жылы «Шаңырақ» облыстық орталығының ұлттық шығармасы сахнасында екі рет өнер көрсетті. 2019 жылдың жазында «Ertis Promenade» сахнасында «Достарым менің золотой» әнін орындады.