Ақпараттық технологиялар колледжінің АТ-Hub-да WorldSkills Павлодар-2024 облыстық чемпионаты аясында «JuniorSkills» байқауы өтті. Қаланың 15 мектебінен 8-9 сынып оқушыларының 30-ға жуығы жиналып, білім деңгейін көрсетті. Байқау үш бағыт бойынша өткізілді.
JuniorSkills - 8-9 сынып оқушыларының кәсіби дағдыларын дамыту және ерте кәсіптік бағдарлау мақсатында ұйымдастырылған конкурс. Барлық құзыреттіліктер болашақ мамандықтарға дәл сәйкес келеді, сондықтан мұндай іс-шара балаларға тәжірибеде өз қызығушылықтары мен қабілеттерін анықтауға мүмкіндік беретінін атап өткен жөн.
Біздің оқушылар екі номинацияға қатысты: «Веб-дизайн және әзірлеу» 9 г сынып оқушысы Мартынюк Игорь - 2 орын, «Графикалық дизайн» 8 в сынып оқушысы Путинцева Дарья. Оқушыларды информатика пәнінің мұғалімі А.А. Антонова дайындады.